बइठे पीपर के छांव मा [कृष्णा परकार][ कविता]baithe pipar ke chhav ma [kavita] [krishna parkar]

भईया के ससुराल संगी,

भईया के ससुराल संगी,
गए रहेवं मैं बिहाव मा ।
मोला एक हसिना दिखगे,
बइठे पीपर के छांव मा ।।

आंखी म टुरी काजल आंजे,
पहिरे रहय चुरी हांथ मा ।
देख के मोर मन कहिस ,
बईठ जाववं का सांथ मा ।।

फुलवा कस मुस्कान रहय,
चंदा कस गोरी के चेहरा ।
माथा मा टिकली लगाए ,
अउ पहिरे पईरी पांव मा।।

मोला एक हसिना दिखगे,
बइठे पीपर के छांव मा ।।

बड़ सुघ्घर गोरी के चेहरा,
मन मा बस गे इमान से ।
चुरा के लेते दिल टुरी हा,
अब तो गएवं मै जान से ।

कहेवं गोरी ला जोड़ ले,
तोर नाव ला मोर नाव मा।
मोला एक हसिना दिखगे,
बईठे पीपर के छांव मा ।।

कृष्णा पारकर
9340404933

सीपत बिलासपुर छ. ग.

कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुचित किया जाता है।