आंखी मा काजर लगाए गाेरी ankhi ma kajar lagay gori-[.Krishna parkar][hindi kavita][c.g kavita][kavita] [कृष्णा पारकर][हिंदी कविता][छ.ग. कविता][कविता]

आंखी मा काजर लगाए गाेरी,

               नैना बान चलाए गाेरी ।

मन मतौना मात गे संगी,

          हलु हलु जब मुस्काए गाेरी ।।

रूप तोर सोनहा खदान हे,

अउ मोती कस मुस्कान हे,

लाहुं तोला बनाके दुल्हिन ।

बिन तोर अब न रहाए गाेरी ।।

आंखी मा काजर..............!

चेहरा झुलय तोर नैना नैना,

दिन बिते न बिते मोर रैना ,

तोर सलोनी रूप छोड़ के ,

दुसर कोनो नइ भाए गाेरी ।

आंखी मा काजर...............!

तोर से मोला लागे हे पिरिया,

करले भरोसा खवाले किरिया,

आके मोला लगाले ना छतिया,

काबर हावस तैं रिसाए गाेरी ।

आंखी मा काजर................!

         

                             कृष्णा पारकर

                           बिलासपुर सीपत

                       +91 93404 04933

कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।