थोरकुन मुँहू ल उठाना

* थोरकुन मुँहू ल उठाना *
             ______***______
अतका तय झन लजाना,
                             जस छुईमुई कस पाना।
आँखी म आँखी डार मयारु,
                            थोरकुन मुँहू ल उठाना ।।
* जतका तय लजावत हस,
                            चेहरा के लाली बाढ़त हे।
  असने तोर सुरत के देखे,
                              मोरो मन बने माढ़त हे।।
तही मोर जिनगी के संगी......तहिच मोर खजाना !
अतका तय झन.......................छुईमुई के पाना !
आँखी म आँखी ......................मुँहू ल उठाना !!
* लाज मोला बड़ आथे संगी,
                                  कइसे के तोला बतावंव।
   लाज तो नारी के गहना हरे,
                                   कइसे तोला समझावंव।।
  कइसे मय हाँसव बोलंव......दुनिया ल घलो डर्राना!
  जिंहा बाजत हे सुघ्घर डमउ,
                                    नंगारा ल झन तय बजाना ।
  बेलबेलहा हावस रे बिलवा,
                                    मोला जादा झन सताना ।।
*  निचट लचकुरहीन हावस तय,
                                     मोर चुलबुलहीन बन जा।
     मया के सुर म सुर मिलाके,
                                    मोर दुलहीन तय बन जा।।
   मया भुर्री तन जरत हे........मन ल तय झन जराना!
    अतका तय झन.......................छुईमुई के पाना!
   आँखी म आँखी.........................मुँहू ल उठाना!!
     _____________*********_____________
                             नोहर आर्य
   फरदडीह,(डौंडीलोहारा) जिला बालोद,छ.ग।