सोनपुतरी बेटी तांव

    *  सोनपुतरी बेटी तांव  *
         ______***_____
छत्तीसगढ़ के राज दुलौरीन,
                       सोनपुतरी बेटी तांव ।
शहर-पहर मोला नइ भावय,
                       रहिथंव गंवई गाँव ।।
*खेत-खार अउ नंदिया-पहाड़,
                       सुग्घर अमरैया छांव।
पयडगरी मोर रद्दा-बाट हे,
                        बिन पनही के पांव ।।
संझा बिहनिया चिरई बोली,,,,,,,,,,,,,,,,,
                         कंउवा ह करथे काँव!
छत्तीसगढ़ के,,,,,,,,,,,,,,,,,,,,,,बेटी तांव !
शहर-पहर,,,,,,,,,,,,,,,,,,,,,,,,गंवई गाँव !!
*गुरतुर बोली भाखा म मय,
                           गीत मया के गांव।
असने सोनचिरईया छोड़ के,
                       कोन डहर मय जांव।।
रुख्खा-सुख्खा मोर बियारी,,,,,,,,,,,,,,,
                          चटनी बासी ल खाँव!
छत्तीसगढ़ के,,,,,,,,,,,,,,,,,,,,,,,बेटी तांव!
शहर-पहर,,,,,,,,,,,,,,,,,,,,,,,,,गंवई गाँव!!
*कोनो लिखय मोर कविता,
                            कोनों करय फजीता।
पबरित हंव मय राम के सीता ,
                        नोहों मधुबाला बबिता ।।
मोर मया के मोर संवागा,,,,,,,,,,,,,,,,,,,,,,!
                              इहिच ल मय भांव!
छत्तीसगढ़ के,,,,,,,,,, ,,,,,,,,,,,,,,,,बेटी तांव!
शहर-पहर,,,,,,,  ,,,,,,,, , ,,,,,,,,,गंवई गाँव !!
*धन-धन हे मोर भाग ल,
                          जनम धरेंव इही ठांव।
सरग ले सुन्दर मोर महतारी,
                            सरग ल कहाँ ले लांव।
मया पिरीत के भरे कटोरा,,,,,,,,,,,,,,,,,,,,,!
                   निचट छत्तीसगढ़हिन आंव!
छत्तीसगढ़ के,,,,,,,,,,,,,,,,,,,,,,,बेटी तांव!
शहर-पहर,,,,,,,,,,,,,,,,,,,,,,,,,,गंवई गाँव !!
    _____________*****___________
                            नोहर आर्य,
         फरदडीह,जिला बालोद ,छत्तीसगढ़ ।