जम्मो माई पिला

* जम्मो माई पिला *

               _____****____

 हमर छत्तीसगढ़ के, 

                     हावय सत्तईस जिला ।

 जुर -मिल सबो रहिथे,

                      जम्मोअपन माई पिला ।।

* अलग -अलग जिला के, 

                      अलग- अलग पहिचान ।

  सबो जिनिस ल पोटारे, 

                           कहाँ पाबे तय आन।।

  कलेवा सुहाथे मोला,,,,इहाँ के फरा चिला!

    हमर छत्तीसगढ़ के, 

                           हावय सत्तईस जिला ।

  जुर- मिल के सबो रहिथे, 

                       जम्मो अपन माई पिला ।।

 * मनखे मन दिखथें, 

                      जस चिरमिरी के कोइला ।

 महानदी के धार म,

                            पोसे पंडरी पोई ल।।

 गंटपरहा दिखथे,,,,जस पथरा बैलाडिला ।

  हमर छत्तीसगढ़ के, 

                         हावय सत्तईस जिला ।

  जुर -मिल सबो रहिथे, 

                       जम्मो अपन माई पिला ।।

* सोना- चाँदी आनी-बानी, 

                         अउ मिलथे जी  हीरा ।

    धान कटोरा धरती दाई, 

                    हरथे सबके बाढ़त पीरा ।।

  बस्तर गुनगुनावत रहिथे,,,रे रिलो रे रिला!

  हमर छत्तीसगढ़ के, 

                         हावय सत्तईस जिला ।

 जुर- मिल के सबो रहिथे, 

                    जम्मोअपन माई पिला ।।

 ____________*****_____________

                      नोहर आर्य, 

     फरदडीह, डौंडीलोहारा, जिला बालोद, 

                        छत्तीसगढ़