पतरी ह सोनहा थारी ये

* पतरी ह सोनहा थारी ये *
            ______*****_______

  खरखरा,खारुन, शिवनाथ, तांदुला,
                             महानदी महतारी हे।
  इंद्रावती अउ अरपा,पैरी,
                         सोंढ़ूर दूध के धारी हे।।
* डोरसा,कन्हार, मटासी,
                     भुंइया जम्मो कछारी हे ।
   आनी बानी के उपज होथे,
                चना बटुरा संग ओन्हारी हे।।
  * धान कटोरा येला कहिथें,
              "नोहर" कहिथे नोहे लबारी।
     पंगत संग पतरी के  भात,
                        संउहे सोनहा थारी ये।।
   * कोयला, लोहा पेट पोटारे,
                         छत्तीसगढ़ महतारी ये।
       हीरा लुकाय हे ओंटी म,
                      कामधेनु के अंवतारी ये।।
  * कतका तोर महिमा ल गावों,
                         सबद नइहे लाचारी हे।
     जंगल झारी तन के तोपना,
                         सबके तोर चिन्हारी हे।।
  * तोर कोरा ले जनम धरे हे,
                          छत्तीसगढ़हिन नारी हे।
     नावं कौशिला जेकर कहिथें,
                        श्री राम के महतारी हे।।
                        श्री राम के महतारी हे।।
      _________*****__________
                       नोहर आर्य,
    फरदडीह, जिला बालोद,छत्तीसगढ़ ।
    
   



              
          * पतरी ह सोनहा थारी ये *
            ______*****_______

  खरखरा,खारुन, शिवनाथ, तांदुला,
                             महानदी महतारी हे।
  इंद्रावती अउ अरपा,पैरी,
                         सोंढ़ूर दूध के धारी हे।।
* डोरसा,कन्हार, मटासी,
                    जम्मो भुंइया कछारी हे ।
   आनी बानी के उपज होथे,
                चना बटुरा संग ओन्हारी हे।।
  * धान कटोरा येला कहिथें,
              "नोहर" कहिथे नोहय लबारी।
     पंगत संग पतरी के  भात,
                        संउहे सोनहा थारी ये।।
   * कोयला, लोहा पेट पोटारे,
                         छत्तीसगढ़ महतारी ये।
       हीरा लुकाय हे ओंटी म,
                      कामधेनु के अंवतारी ये।।
  * कतका महिमा गुन ल गावों,
                         सबद नइहे लाचारी ये।
     जंगल झारी तन के तोपना,
                         सबके तोर चिन्हारी हे।।
  * तोर कोरा ले जनम धरे हे,
                          छत्तीसगढ़हिन नारी हे।
     नावं कौशिला जेकर कहिथें,
                        श्री राम के महतारी हे।।
                        श्री राम के महतारी हे।।
      _________