साँच ल नइहे कोनो आँच

* साँच ल नइहे कोनो आँच *
        ________*****_________
  झूठ लबारी के डारा म,
                   कमजोरहा फूल फूलथे।
  सच ह जब आगू आथे,
                    तब सारी भेद ह खुलथे।।
  सौ लबारी त एक साँच,
                      सौ झूठ  बर भारी पड़थे।
  कतको तिपो ले सोना,
                       ओतके वो ह निखरथे।।
  साँच बरोबर पुन नहीं,
                       झूठ बरोबर नहीं  पाप।
  साँच ल कभू आँच नहीं,
                        साँच के माला ल जाप।।
  साँच बर हरीशचंद दानी,
                          कतका दुख ल पाइन।
  जीत अपन कठीन परीछा ,
                           जग म नाम कमाइन।।
   सत अहिंसा के मारग ल,
                            गाँधी बबा चलाइन।
   भारत ल आजादी देके,
                          सुग्घर सुराज लाइन।।
  __________******___________
                    नोहर आर्य,
  फरदडीह, जिला बालोद,छत्तीसगढ़ ।