गीत,कविता और कहानी

राजा त‌ँय दूसर के होगे ......

मया के क‌ईसे तोला बात बतावव ।

आंखी चूहे आंसू क‌ईसे हांसके देखावव ।।

होगेस त‌ँय अब लें पराया मयारू ।

क‌ईसे म‌ँय अपन दिल के हाल  सुनावव ।।

संगी त‌ँय दूसर के होगे....रे

राजा त‌ँय दूसर के होगे....

रथिया के देखें सपना कस लागत हे ।

मया के बदला  मया  जीवरा  मांगत हे ।।

जानत हव तोर होही काली सगा‌ई ।

माने न‌ई माने हिरदे पाछू तोर भागत हे ।।

संगी त‌ँय दूसर के होगे ... रे

राजा त‌ँय दूसर के होगे......

तोर बिना बिरथा हावय ऐ जग संसार ।

पिरित ला समझे त‌ँय  तो फोकट  ब्यापार ।।

दुनिया मा न‌ई मिले मोर सही मयारू ।

किंजर लें चाहे खोजले  गांव गली  बजार ।।

संगी त‌ँय दूसर के होगे .... रे

राजा त‌ँय दूसर के होगे........

🙏🙏🙏🙏🙏🙏