बाप पहिरे चिरहा कुर्ता [आर्यन चिराम AARYAN CHIRAM] BAAP PAHIRE CHIRAHA KURTA, [VYANGYA kawita व्यंग्य कविता]

बाप पहिरे चिरहा कुर्ता

बाप पहिरे चिरहा कुर्ता ,

बेटा हा सफारी |

बाप छूटे कर्जा,

बेटा करे उधारी ||

बाप हा दिनभर कमावत हे,बियारी |

बेटा हा बैठ के मारत हे होसियारी ||

भाई बहेनी के पुछंती नईहे,

खासम-खास होगे सारी ||

बाप के कमाई मा,

बेटा क़िस्त मा ले डारिस गाड़ी ||

बाप पहिरे चिरहा कुर्ता ,

बेटा हा सफारी |

बाप छूटे कर्जा,

बेटा करे उधारी ||

बाप के जांगर खंगे ,

रोज देवत हे गारी |

काम करेबर जाय नही,

मांगत हे उधारी ||

बाप पहिरे चिरहा कुर्ता ,

बेटा हा सफारी |

बाप छूटे कर्जा,

बेटा करे उधारी ||

क़िस्त ला पटाईस नही,

खीचा गे गाडी |

कर्जा ऊपर कर्जा होगे,

जीना होगे भारी ||

बाप पहिरे चिरहा कुर्ता ,

बेटा हा सफारी |

बाप छूटे कर्जा,

बेटा करे उधारी ||

लत होगे फैशन के,

बेचागे लोटा थारी |

कोनो अब भाय नही,

छोड़ के चलदिस नारी ||

बाप पहिरे चिरहा कुर्ता ,

बेटा हा सफारी |

बाप छूटे कर्जा,

बेटा करे उधारी ||

कवि/लेखक/गीतकार 

आर्यन चिराम 

9407749514

kodagaon kanker 

कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।