जब तक बस्तर मौन हे-आर्यन चिराम[कविता] jab tak bastar maun he-aaryan chiram [kawita]

1.       जब तक बस्तर मौन हे

एकर पूछईया कौन हे

2.       अंहकारी अंहकार तक, तीर धनुष टंकार तक

बैलाडिल्ला मारकर, रावघाट को पार कर

जब तक लोहा जाही,

देखहु बस्तर में, बस्तर ले, बत्तर दिन आही

आज हर जाति, धरम, चुप्पे हर कौम हे

जब तक बस्तर मौन हे

एकर पूछईया कौन हे

3.       कमिशन खोरी काम हे, विकास के नाम हे

बेईमान के जेब भरे ता, कर्जा मा किसान हे

दारू भट्टी सरकारी ता, ठेका मा विद्या मितान हे

बेरोजगारी हर गली चौक मा, बात करे बर फोन हे

जब तक बस्तर मौन हे

एकर पूछईया कौन हे

4.       बस्तर के लुटईया लुटही कब तक

जब तक बस्तर मौन हे

एकर लुटईया जौन हे

लुट लो तब तक,

जब तक बस्तर मौन हे

एकर पूछईया कौन हे

5.       बस्तर में फेर, ओ.. दिन आही

इतिहास ला फेर ओ... दोहराही

देख दुश्मन मन थर्राही

घर घर ले जब गैन्द्सिंग आही

क्रांति के फेर बिगुल बजांही

बस्तर के टूट ही तब मौन

तब एला पूछ्ही हर देश हर कौम

रचनाकार /गीतकार  

आर्यन चिराम 

9407749514

कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।