बरखा के अगोरा मा barkha ke agora ma[Krishna parkar][Chhattisgarhi kavita][hindi kavita][kavita] [कृष्णा पारकर][छत्तीसगढ़ी कविता][हिंदी कविता][कविता]

 

बरखा के अगोरा मा ,

        हावय जम्मो किसान ।

बरसत नइहे पानी ,

         जीव होगे हलकान ।

देरी झिन होवय अब,

      खेती अउ किसानी मा ।

आशा तो बँधाए हे ,

        अषाढ़ के पानी मा ।।

दु दिन के बरसा मा,

       फुल पान हरियाए हे ।

लेकिन अभी भुईयां के,

       प्यास नइ बुझाए हे ।।

झर झर ले गिर के ,

        तन मन ला भिंगादे ।

जम्मो किसान मन के,

        भाग्य ला तै जगादे ।।

छत्तीसगढ़ के माटी मा,

        सुघ्घर लहरावय धान ।

जम्मो किसान मन ला ,

          दे दे अतेक वरदान ।।

                             कृष्णा पारकर

                           बिलासपुर सीपत

                       +91 93404 04933

कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।