मया कर ले टुरी मोर संग maya kar le turi mor sang [krishna parkar][kavita][hindi kavita][cg kavita][कविता][कृष्णा पारकर][छत्तीसगढ़ी कविता][हिंदी कविता]

मया कर ले टुरी मोर संग,

          होगे हावस तै जवान ।

हाववं मै तोर दिवाना ,

        मया ला मोर पहिचान ।

आंखी मा मोर वो रानी ,

      सपना तोर सजाए हाववं ।

मोर मन के मंदिर मा ,

        तोर मुरत बसाए हाववं ।

तहीं हावस दिल मा गोरी,

        तोर मा बसे मोर परान ।

हाववं मै तोर दिवाना ,

         मया ला मोर पहिचान ।

जिनगी बिताबो दुनो ,

       मया पिरित के छांव मा ।

चांदी के पईरी वो रानी ,

       पहिराहुं मै तोर पांव मा ।

मोर मन के रानी बन जा,

          कहना ला मोर तै मान ।

मया कर ले गोरी मोर संग,

       होगे हावस वो तै जवान ।

जलवा देखा के रे टुरी ,

          मन ला मोर मोह डारे ।

मोर जिवरा घायल होगे,

          तोर नैना ले बान मारे ।

सच्चा हे मोर मया गोरी ,

         झन तै रे लबारी जान ।

हाववं मै तोर दिवाना ,

         मया ला मोर पहिचान ।

                                           

                                                                     कृष्णा पारकर
                                                                   बिलासपुर सीपत
                                                                   +91 93404 04933
कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।