एक बात कहना हे [कृष्णा पारकर][कविता] ek baat kahna he [krishna parkar][kavita]

एक बात कहना हे, सुनबे का ।

तोर सजना मोला , चुनबे का ।

अबड़ मया करथौं, करले यकिन।

बिरथा हे जिनगी, गोरी तोर बिन।

एक बात कहना हे , करबे का ।

हाथ ला मोर गोरी,तै धरबे का ।

मया देखाए बर,किरिया खावौं का ।

 मया बताए बर,मरके देखावौं का ।

एक बात पुछना हे , बताबे का ।

जिनगी ला मोर संग, पहाबे का।

मया के चिनहा ,तै कबुल करले ।

मया के मीठ मीठ , भुल करले ।

सादी के बंधना मा,तै बंधाबे का ।

जिनगी ला मोर संग, बिताबे का।

                         

                  

                                        

                                                                            कृष्णा पारकर

                                                                         बिलासपुर सीपत

                                                                         +91 93404 04933

कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।