जिनगी हवय फूल बरोबर jingi haway full barobar

जिनगी हवय फूल बरोबर

----------------------------------------

जिनगी हवय फूल बरोबर

महर महर ममहावव 

धरम करम के दीया जलाके

तन मन ल उजरावव

-काड़ी कचरा चिखला माटी

झन मानव कोई ल हाथी चॉटी

निरधन कोन काकर महल अटारी

गंवटिया होथे देखत भिखारी

आहन सुघ्घर सरग धरती म

मानुस तन संहरावव,

जिनगी,,,,,,

एके बगिया के हम सोन चिरईया

झन बनव कोनो गोड़ तिरईया

खाँदे म खाँद संग संग चलना हे

सुख के साथी दुख के साथी कतको बिपदा ल हरना हे

मया के बोली बोल के

खोंदरा एक बनावव

जिनगी,,,,,

            ✍साहिल नायक✍

              गीतकार/शिक्षक

          माध्यमिक शाला-करैहा

    वि•खं-नगरी,जि,-धमतरी,छ,ग

            9340389771