सुनता ह घलो छरियाथे

* सुनता ह घलो छरियाथे *
                  ______________   
रहिबोंन मिलजुल भइया,
                       बल ह सबके बंधाथे ।
रहिबोंन छर्री दर्री तब,
                       सुनता घलो छरियाथे।।
  पांचो अंगरी एके मिलके,
                           जबर मुटका बंधाथे।
   कइसे एकता म बल होथे,
                              फरिहा के बताथे।।
   ऊँच नीच के खांचा ल,
                            सुमत के माटी म पाटो।
   भेद भाव ल दुरिहा करके,
                             मया के चारा ल बांटो।।
   संग म रहना जीना मरना,
                                बिधि के इही बिधान हे।
    कोन मानबे तै बैरी दुश्मन,
                                   कोन तोर मितान हे।।
     एक दूसर ल जानव मानव,
                                   सबो के राखव मान।
     मया पिरीत के बाँटे ले,
                                काकरो नइ घटय शान ।।
                                काकरो नइ घटय शान ।।
     ----------------______________----------------
                             नोहर आर्य,
        फरदडीह, जिला बालोद, छत्तीसगढ़ ।