आगे तिहार जेठानी के...

* आगे तिहार जेठोनी के *

           *****

आगे तिहार जेठोनी के, 

                लगिन धराना हे नोनी के।

 जवान बेटा बाढ़े हे, 

                    जम्मो बूता ह माढ़े हे।।

 तुलसी मंडवा गड़ाना हे,

                  कुसियार में सजाना हे।

 सालिक राम संग बिहा के,

                     वृंदा के सती बचाना हे।।

पथरा तार के बनगे पथरा ,

                     तुलसीमाई के धरे अंचरा ।

कथा कहानी बताये हे,

                    नोहय जी ये ह मुँह अंखरा।।

करम भुगतना सब ल परथे, 

                    का मनखे का भगवान ।

गरब गुमान सब छोड़व, 

                      बनव सुग्घर इनसान ।।

देवता मन ह जागिन हे,

                      तुंहर जागे के पारी हे।

 जागिन ते ह पाइन कहिथे, 

                      बात नोहय लबारी ये।।

                       बात नोहय लबारी ये