तैहा दीया देखाये गा (तोषण चुरेन्द्र)

*मुखड़ा*

तैहा दिया देखाये गा तुलसी

रामायण सिरजाई के

तैहा गंगा नँहवाये गा तुलसी

राम भजन ल गाई के..

*अंतरा*

अवघड़ दानी शंकखर भोला

सती ल कथा सुनाये~~~

कँऊवा तरगे गिधवा तरगे

राम के ध्यान लगाये~~~

नारद बीना बजाये गा तुलसी

हरि भजन ल गाई के.......1

*अंतरा*

गोड़ ल धोके केवट तरगे

पुरखा ल पार लगाये~~~

नवधा सुनके शभरी उबरगे

हरि के धाम ल पाये~~~

हनुमत चुटकी बजाये गा तुलसी

भक्ति के धुन ल गाई के....2

*अंतरा*

राम नाम के अमरित धारा

गाँव गली म बोहाये~~~

आवय संगी दीदी भइय्या

मिल जयकारा लगाये~~~

तोषण खुशी मनाये गा तुलसी

हरि भजन ल गाई के.....3

©®

तोषण चुरेन्द्र{दिनकर}

धनगाँव डौंडी लोहारा