गरजत हावय बादर 【कृष्णा पारकर 】【कविता】garjat have badar 【Krishna prakar 】【kavita】

गरजत हावय बादर,
        अउ बरसत हे पानी ।
पानी के चक्कर मा,
       अधुरा रहिगे कहानी ।




तरसय रे मन तोर बर ,
मिलबे का बरसात मा।
तन मन ल भिंगा लेतेन,
हम दुनो  झन संग मा ।




सावन के बरखा मा ,
       कर लेतेन कुछु नदानी।
गरजत हावय बादर ,
         अउ बरसत हे पानी ।



अब तो जरूरी हावय ,
गोरी तोर मोर मिलन ।
अइसे तै झन तरसा रे,
झन बित जाय सावन ।




देखे हौं तोला जबले,
     लागे हे तोर बर बानी ।
गरजत हावय बादर,
      अउ बरसत हे पानी ।




मजा उड़ाले तै रानी ।
बित न जाए जवानी ।
             गरजत हावय बादर ।
           बरसत हावय रे पानी ।



                                        

                             कृष्णा पारकर
                           बिलासपुर सीपत
                       +91 93404 04933
कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।