फोटो ला मै तोर निहारत रहिथवं कृष्णा पारकर कविता photo la mai tor niharat rahithv krishna parkar kavita

फोटो ला मै तोर निहारत रहिथवं ।
अपने अपन बड़बड़ावत रहिथवं ।




तोर सुरता मोला जिए नइ देवय ।
बईठ के आंसु  बोहावत रहिथवं ।

गोठ बात कोनो  के सुहावय नहीं ।
सब झन ला खिसियावत रहिथवं ।




जब जब आथे, गोरी तोर सुरता ।
मै गीत जुदाई के गावत रहिथवं ।

तड़पत रहिथवं मै तोर दरस बर ।
मोर दिल ला समझावत रहिथवं ।



सब नींद -चैन तोर नाव लिखके ।
मै खुद ला दोष लगावत रहिथवं ।

रोवत रोवत मोर दिन हा गुजरथे ।
रात रात भर छटपटावत रहिथवं ।




फोटो ला तोर मै निहारत रहिथवं ।
अपने अपन बड़बड़ावत रहिथवं ।

                                             

                             कृष्णा पारकर
                           बिलासपुर सीपत
                       +91 93404 04933
कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।