मया पिरिया के झांसा म (कृष्णा पारकर)(Maya piriya ke jhasha ma (Krishna Parker)

मया पिरिया के झांसा म ,

      फंस गे दिल मोर बेचारा ओ ।

होगे हाववं मै प्यांर मे पगला,

      हांसत रहिथे गांव पारा ओ ।।

जीना हे मुश्किल तोर बिना,

       सुरता के हावय सहारा ओ ।

तोर दरस बर नैना तरसगे,

    तहीं मोर आंखी के तारा ओ ।।

आधा घँटा ले खड़े रहेवं मै,

       समझे नहीं मोर इशारा ओ ।

बात करे के मौका नइ मिले,

     कइसे मोर होही गुजारा ओ ।।

तोर मया मे बोहावत जाथवं,

     जाने कब मिलही किनारा ओ।

तै बोले रहे के नौ बजे आहुं ,

       काबर बजा दिए बारा ओ ।।

         ***************

बिना बात मोला छोड़ दिए,

      तै करे मोला बेसहारा ओ ।

पहिली बार मे साध बुतागे ,

    प्यांर नइ करवं दोबारा ओ ।।

        **कृष्णा पारकर**