झूठा हे तोर प्यांर मोहब्बत

झूठा हे तोर प्यांर मोहब्बत ।

           झूठा हावय तोर यारी ।।

झूठ-मूठ के मया करे तै ।

           वाह ओ टुरी संस्कारी ।।

एक ठन सपना मोर टुटे हे ।

 तोर खातिर संसार छुटे हे ।

तोर मया मे पगला होगेवं ।

       सब छोड़ के दुनिया दारी ।।

झूठ-मूठ के मया करे तै ।

           वाह ओ टुरी संस्कारी ।।

जपत रहेवं तोर नाम के माला ।

तभे तो निकल गे मोर दिवाला ।

तोला कभु तरस नइ आये ।

         बढ़िया हे तोर दोसदारी ।।

झूठ-मूठ के मया करे तै ।

           वाह ओ टुरी संस्कारी ।।

काबर मोर संग रिश्ता जोड़े ।

रिश्ता जोड़  के मोला छोड़े ।

काबर तै निर्मोही होगय ।

        कइसे ओ पूजा कुमारी ।।

झूठ-मूठ के मया करे तै ।

          वाह ओ टुरी संस्कारी ।।

        **कृष्णा पारकर**