तोर सुरता मा

* तोर सुरता मा *
                     _____****_____
थोरकुन बेरा नइ होय हे,
                        अभिच दूनो संघरे हावन।
बईठ हिता के गोठियाले,
                      दुनिया हमर बर लगाय हे दावन।।
सुरता म तोर बेरा अंखरागे,
                           रद्दा देखत आँखी पथरागे।
काला गोठियांव काला लुकांव,
                      मन के गोठ बर जीभ भोथरागे।।
सबके नंजर मे बइहा होगेंव,
                            कइसे के मोर मन ल मनांव।
अभी आय हस जांहू कहिथस,
                               कइसे करेजा ल कटवांव।।
जा रे !पिरोहिल जा तंय हर,
                           जिंहा तोला मया दुलार मिले।
मय कांटा संग जी लिहों रानी,
                तोला हर छिन फूल बहार मिले।।
अपन मया ल भेजके दुरिहा,
                             'नोहर'हे मोर जिनगानी ।
अंतस हर मोर पथरा होगे,
                             कहाँ ले ओगरय पानी ।।
                             कहाँ ले ओगरय पानी...
________________________________________
                              नोहर आर्य,
  फरदडीह,(डौंडीलोहारा) जिला बालोद,छ.ग