भांठा मटासी डोरसा कन्हार

*  भांठा मटासी डोरसा कन्हार  *
                  ______*******_______
घर-दुवार खेत -खार ,
             बारी-बखरी जंगल-पहार।
मया-दुलार साज- सिंगार ,
                धरम-करम तीज-तिहार ।।
हमर गंवई गाँव के,
                       महिमा हे अपरमपार ।
भांठा- मटासी डोरसा-कन्हार,
                  सबो उपज के हे भरमार ।।
धनहा -डोली गुरतुर- बोली,
                नता- रिस्ता  हाँसी- ठिठोली ।
मीत-मितानी गंगा-पानी,
             नर-नारी राजा -रानी ।
ओरी-ओर खेतिहारिन रेंगना,
          नंदिया भीतर के जलहर टेंगना।।
गौरा -गौरी सुवा-ददरिया,
           छानी-परवा छाए खदरिया।।
मुड़ मे पागा कान में चोंगी,
          नदिया-नरवा टूटहा डोंगी।।
__________******____________
                   नोहर आर्य,
  फरदडीह, जिला बालोद,छत्तीसगढ़