मानव- मानव संत के बानी//Manav manav sant ki bani

* मानव- मानव संत के बानी,
               नोहे कोनो फोकट कहानी।
   सत के रद्दा चले खातिर,
                  होम दिन अपन जिनगानी ।।
  * मनखे मनखे सबो समान,
                   करव झन ककरो अपमान ।
एके बिधाता सबो गढ़े हे,
                   सबो के हावय एकेच मान।।
  * हावा पानी घाम सबो, 
                     सबला बरोबर बांटत हे।
वाह!रे कलजुगिया मनखे,
                     दही ल कपसा आंटत हे।।
* तोर मोर म भेदे का हे,
                   जंउहर तंय अंटियावत हस।                      साधु संत के संग छोड़ के,  
                    लबरा के पतियावत हस।।
  ___________*******____________
                       नोहर आर्य,
    फरदडीह, जिला बालोद, छत्तीसगढ़ ।