आवत नवा साल भइया

*आवत नवा साल भइया *

     ______*****_____
आवत नवा साल म,
                      जम्मो ल जोहार हे।
अवइया ल मानव,
                      बीते सब बेकार हे।।
* जवइया के बिदा,
                      अवइया के मान हे ।
नवा सुरूज आही कथें,
                     सुत-उठ के परनाम हे।।
* सूरज चंदा विहिच हरे ।
                का जनी काकर भूत धरे।
   जीना खुदे ल रहिथे,
                   मनखे अपने अपन मरे ।।
* आगे नवा बिहान संगी,
                   नवा सुरूज उगइया हे।
पाछू के जम्मो अंधियारी,
                     जरमुड़ ले तोपइया हे।।
जावत के बिदा करव,
               अवइया के सुवागत हे ।
भुल-चुक ल पाछू टारव,
             कुछ नवा के जुगारत हे।।
'मांनव'तुम झन मानव,
                    मानव ले होथे गलती ।
पीछू लहूट के देख झन,
                     ठाड़ झन होबे चलती।।
सुख -दुख तो संगी जिनगी के,
                      काला पाये का गंवाबे ।
जउन करम करबे भैया,
                         विहिच फल तंय पाबे।।
                         विहिच फल तंय पाबे।।
      ________*******_______
                     नोहर आर्य,
        फरदडीह, जिला बालोद, छत्तीसगढ़।