वाह जी सरकार

वाह जी सरकार

तोर बखान करव कि काहंव अत्याचार

दिन उपर दिन बढ़ा देस

लाकडाऊन के डेट ल

फेर काबर खोल देस

 दारु भट्ठी के गेट ल

जम्मों दरुहा सुते रीहीन

नशा पान के चेत ल भूलाके

शराबबंदी के बने मउका रीहिस

 वोला काबर डुलादे

हदरहा गरुवा मन भागथे जइसे

 हो जथे जब सेला

अइसने जबर भीड़ भट्ठी म

लागे दरुहा मन के टुन्नी मेला

कोरोना असन महामारी के 

डर ल घला तिरियादिन

बाटल ले अद्धी अद्धी ले पउवा

जम्मो पइसा  ल उंही सिरादिन

अइसे होते रही त 

देस के हो जाही बंटाधार

कोरोना ले जादा  का खतरा हे

करव जी सुजान बिचार

वाह जी सरकार,,,,

               ✍साहिल नायक✍

                 गीतकार/शायर

                 9340389771