गीत,कविता और कहानी

गिरे तै नजर ले, मोर आंखी के पानी होगए ।

कल तै मोर जान रहे , आज फलानी होगए ।

तोर नांव अउ तोर गांव मोला दुन्नो तड़पाथे ।

कईसे तोला भुलावं, तै अमर कहानी होगए ।

अपन रानी बना के , मै बसाए रहेंव मन मा ।

लेकिन" तै तो कोनो दुसर के दिवानी होगए ।

गरीब के मया हर, तोला चिटको नई भाईस ।

रूपिया-पईसा के मस्ती मा, मस्तानी होगए ।

तो फिर ठीक हे दुश्मनी करबे ईमानदारी से ।

गोरी मोर बर तै आज से पाकिस्तानी होगए ।

              **कृष्णा पारकर**