गिरत हे पानी अउ लागत हे घांम आर्यन चिराम [कविता]girat he pani au lagat he gham .aaryan-chiram[kawita]

गिरत हे पानी अउ लागत हे घांम |

घर मा रहाव की मै खेत कोति जांव |

अपन के पीरा ला कोन ला बतांव ||

लादू के ट्रेक्टर मा,

येसो के बत्तर मा, पानी के चक्कर मा,

महू हा धाने बोवा डारेव न ||

घरे मा रथो त डोकरी झंझेटे |

खेते मा रथो त बादर गुरेरे |

खायेला देके मुहु मुरेरे ||  

रोजे दिन के गारी खवई मा,

येसो के बत्तर मा, पानी के चक्कर मा,

महू हा धाने बोवा डारेव न ||

करत किसानी कर्जा मा बुडेव |

कर्जा छुटत महू हा घुरेंव ||

उठत बैठत चिंता करई मा,

येसो के बत्तर मा, पानी के चक्कर मा,

महू हा धाने बोवा डारेव न ||

गीतकार/कवि/लेखक 

आर्यन चिराम 

कोदागाँव कांकेर  

कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।