मया के रस्ता मुश्किल भारी maya ke rasta mushkil bhari [Krishna parkar][Chhattisgarhi kavita][hindi kavita][kavita] [कृष्णा पारकर][छत्तीसगढ़ी कविता][हिंदी कविता][कविता]

मया के रस्ता मुश्किल भारी ,

      मया नइ मिलय मांगे उधारी ।

कतको झन हा बइहा होके ,

       छोड़ डारे हे अंगना दुआरी ।

दुनिया मा हे अबड़ हसिना ,

      कोनो हे गोरी कोनो हे कारी ।

दिल मा इंखर दगा भरे हे ,

         मया हे इंखर झुठ लबारी ।

पहिली तो सब बने लागथे,

         दिल टुटे ले होथे चिन्हारी ।

बात मा कुछु फरक नइ हे ,

        बेवफा ला कतको दे गारी ।

मया हे ढेला पथरा बरोबर,

     दुरिहा ले दिखथे बरा सोंहारी ।

जिनगी भर आंसू बोहाथे ,

      खुसी मिलथे बस दिन चारी ।

मया मा सब बरबाद होगे ,

     लागथे के अब मोरो हे पारी ।

कतको झन हा बइहा होके ,

      छोड़ डारे हे अंगना दुआरी ।

                       

                

                                                                        कृष्णा पारकर
                                                                     बिलासपुर सीपत
                                                               +91 93404 04933
कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।