संगी जहुरिया म बईठ के sangi jahuriya ma baith ke-[.Krishna parkar][hindi kavita][c.g kavita][kavita] [कृष्णा पारकर][हिंदी कविता][छ.ग. कविता][कविता]

संगी जहुरिया म बईठ के,

     करथस मोर गोठ बात ओ।

         मोला बता रानी मोर बिना,

              कइसे पहाथस रात ओ ।।

रतिहा मै छटपटावत रहथौं,

    सुरता आथे मुलाकात ओ ।

         कुछु नइ मांगव भगवान ले,

            मिल जाए बस तोर साथ ओ।।

कइसे रहेवं मै तोर बिना,

    अब मुश्किल हे हालात ओ।

           तोर बिना रे ए मनमोहनी,

                बासी मिठाए ना भात ओ ।

मोला फंसाए दिवाना बनाए,

     तै नैना ले करके घात ओ ।

          मोर अंगना तोला ले आहुं,

              मै भाँवर पराके सात ओ ।।

तोर जवानी के चढ़गे नशा,

     दारू के का हे बिसात ओ ।

          नइ छोड़वं मै तोला रानी ,

              अब धरले ना मोर हाथ ओ ।।

                             कृष्णा पारकर

                           बिलासपुर सीपत

                       +91 93404 04933

कोई भी अंश तोड़ मडोर कर प्रस्तुत न करें इस कविता से सम्बंधित सभी copyrigth इस वेबसाइट और कवि के पास है कविता कॉपी पेस्ट करने पर साईट और गीतकार का नाम जरुर दर्शाए नही तो कॉपीराइट एक्ट के तहत आप पर कानूनी कार्यवाही हो सकता है सर्वसाधारण को सुुुचित किया जाता है।